Мястэчка Гузаў знаходзіцца ў 50 кіламетрах ад Варшавы.
Тут у 1765 г. нарадзіўся Міхал Клеафас Агінскі.
Калі часам ў біяграфіях Агінскага пішацца пра Гузаў, то абавязкова выкарыстоўваецца фотаздымак вось гэтага палаца.


( Read more )

Зараз выкажу непапулярную думку.

Вось тут http://vl-kozhevnikov.livejournal.com/16993.html ў чарговы раз разгарэўся традыцыйны славянасрач па пытанню: пісаць "Беларусь" ці "Белоруссия".

Як заўсёды нейкі расеец напісаў, што правільна будзе "Белоруссия". Адразу ж наляцелі нашыя і пачалі таптаць нагамі таго расейца.
А вось я з асноўнай думкай паста згодны:

"Не следуйте распространившейся глупости нелепого уродования русского языка, навязывая не свойственные ему названия... Белорусам нужно пользоваться своим языком и совершенно ни к чему претендовать на наведение порядков в языке соседнего народа"

Раней я таксама сціскаў кулакі і насупліваў бровы, калі чуў гэтае здзеклівае "Белоруссссия". Але неяк зайшоў на аднайменны артыкул у расейскай Вікіпедыі: http://ru.wikipedia.org/wiki/Белоруссия
Цікавы не сам артыкул, але яго абмеркаванні, якія разоў у 10 большыя за сам артыкул: http://ru.wikipedia.org/wiki/Обсуждение:Белоруссия
Прычым абмяркоўваецца там, як вы разумееце не эканоміка, а выключна назва краіны.

І тут для мяне адкрылася неверагодная праўда: высветлілася, што для расейцаў слова "Белоруссия" зусім не нясе такой адмоўнай канатацыі як для нас. Для іх "Белоруссия" гэта "Песняры", партызанскія лясы, спакой і талеранцыя. Для мяне гэта было адкрыццём.
Да таго ж "Белоруссия" сапраўды традыцыйная назва для нашых усходніх суседзяў, як мінімум з 18 ст. (сам бачыў дакументы).

У такой сітуацыі, калі паўстае пытанне - каму вырашаць - як будзе правільна, то для мяне відавочна, што ім.

Бо якое дачыненне мы маем да іхняй мовы!

З гэтага высновы:

1. Калі расеец ужывае слова "Белоруссия" не трэба адразу рубіць яму касой галаву, але проста папярэджваць, што табе гэта вельмі непрыемна.

2. Усё вышэйсказанае не азначае, што беларусы мусяць ужываць "Белоруссия". Гэта дурны густ і прызнак неадэкватнасці у нашай краіне, прычым у любых колах (акрамя можа пенсіянераў). Нармальны рускамоўны беларус мусіць казаць "Беларусь", але

3. Кожны раз кажучы "Беларусь" па-расейску, ён мусіць усведамляць, што гэта часовае пагадненне, і ён павінен ці перайсці на "Белоруссия" і стаць 100адсоткавым маскалём, ці поўнасцю вярнуцца да мовы роднай, а не ўжываць толькі адно беларускае слова "Беларусь".

П.С. У другой палове дыскусійнага паста ідзе тыповы загруз на тэму, што Беларусі ніколі не было, хоць як заўсёды адкуль яна з'явілася так ўцямна і не тлумачыцца. Але гэта ўжо не тэма для абмеркаванне - гэта да дактароў.

Tags: мова, праграмны пост

Упершыню прачытаў "Трох мушкецёраў" класе ў сёмым. Тады асабліва здзівіла мізэрная колькасць гвардзейцаў кардынала у пастаянных бойках, у параўнанні з фільмам, які я паглядзеў раней. У першым жа мардабоі (тым, што ў манастыры адбываўся), у фільме на 4 дуэлянтаў накінулася мінімум 40 гвардзейцаў. У арыгінале ж іх аказалася толькі 5!!! На той час было канешне жорсткае расчараванне.

Tags: проста так

Лукашэнка у Папы Рымскага - гэта моцна.
Глядзіш на фотаздымкі і нейкія незразумелыя адчуванні:

- смех разбірае, цяжка было б знайсці больш нечаканую пару, як прэзідэнт і Бенедыкт. З якім-небудзь афрыканскім прэзідэнтам, з Абамам, з марсінінам выглядала б не так смешна.

- трохі сораму і незадаволенасці. Каб толькі зірнуць на Папу людзі пехам ідуць сотні кіламетраў, ягонае слова - амаль закон, ягоны аўтарытэт для мільёнаў людзей па ўсёй планеце вышэй за любыя дзяржаўныя інстытуцыі. А наш прыехаў проста ў госці. Сувеніраў напрывозіў, абдымае ўсіх, падмігвае. Дзіця свайго прыцягнуў. Прычым невядома ці сам ён хрышчаны ўвогуле і ці хрысцілі таго Колю. Карацей не разумее дзе ён.

- а з іншага боку нейкая дурная радасць. От жа выкруціўся зноў. Не проста ж ў Еўропу прыехаў! А адразу да Папы Рымскага. І што яму цяпер розныя Гаагі, калі ён з Папам рукаўся. І пры гэтым так па-свойску, па-беларуску - з гасцінцамі, з усмешкамі, сына прывёз паказаць (пазашлюбнага дарэчы,але ну і што, затое свайго).

Ды з часоў французскага караля Філіпа Прыгожага да Папы вось так проста, як да ЧАЛАВЕКА, ніхто не ездзіў.

Карацей ня ведаю, што і думаць.

Здаецца такая бессэнсоўная акцыя дзесяцігадовай даўніны, але такая нечаканая і, напэўна, своечасовая, што і цяпер выклікае павагу:

http://www.nn.by/1999/09/13.htm

Tags: дата

"ФЭСТ ЭСКУРСАВОДАЎ" адбыўся!

За 2 дні было праведзена 17 экскурсій ў Менску і яшчэ з дзесятак па ўсёй Беларусі.

Сярэдняя колькасць людзей на экскурсіі - 50 чалавек. Найболей было ў Парку Валуноў - 120!!! Глыбокапаважаны Мікола Чырскі вымушаны быў моцна напружыць свае галасавыя звязкі:)

Адбыліся экскурсіі ў такіх "неэкскурсійных раёнах", як Трактарны завод, Татарская Слабада ці Дуброва Чапскага. Была нават адна экскурсія для зняволеных заслаўскай калоніі па цэнтры Менска.

Што самае прыемнае на эскурсіі прыйшлі сапраўды мясцовыя жыхары гэтых раёнаў: і слухалі, і задавалі пытанні, і часта выпраўляўлі і ўдакладнялі экскурсаводаў (што асабліва прыемна).

Спадзяемся, спрыва была таго вартая і людзі даведаліся нешта цікавае.

Tags: прыемна, экскурсіі

Шаноўныя Юліанцы! Са святам!

Tags: дата, святы

Спадарства! Заўтра ў вас ёсць унікальная магчымасць патрапіць адразу на некалькі экскурсій у Менску. Усяго іх будзе 17 штук! А таксама з дзесятак у іншых гарадах Беларусі!

Бо заўтра ў Менску праходзіць "Фэст экскурсаводаў"! Такога здаецца яшчэ ніхто не рабіў і невядома ці зробіць калі-небудзь.

Поўны спіс экскурсій можна глянуць тут:

http://spadczyna.org/content/view/71/1/

Ці таксама тут:
http://news.tut.by/culture/133951.html
http://naviny.by/rubrics/tourism/2009/04/14/ic_articles_126_162151/


Акрамя гэтага!

19 красавіка ў Палацы Дзяцей і Моладзі адбудзецца
СВЯТОЧНЫ КАНЦЭРТ
прысвечаны Міжнароднаму дню помнікаў і мясцінаў!

Выступаюць: гурт "РЭХА", І. Леаданская, А. Галіч, і велікодны падарунак - выступ званароў.

А таксама вас чакае: сустрэча са знакамітымі краязнаўцамі, мінівіктарына, паланэз Агінскага і шмат прыгожых фотаздымкаў Беларусі.

Пачатак канцэрта ў 19.00. Адрас: вул. Старавіленскі тракт, 41, кіналекцыйная зала.

ХРЫСТОС УВАСКРОС!



СА СВЯТАМ!

Нарэшце! "Рахіс" прэзентаваў свой максі-сінгл

http://rahis.generation.by/

Для мяне "Рахіс" - гэта лепшы гурт студэнцкай пары. Не проста лепшы, а найлепшы. Тады думалася, што праз пару год яны мусяць выбухнуць на ўсю Беларусь. Гэта быў адзіны гурт нашага пакалення, чые песні спявалія на ўсіх кухнях педаўскіх інтэрнатаў. Але хлопцы, наадварот, сціхлі (на тое былі і аб'ектыўныя прычыны). Я ўжо думаў, што гамон майму ўлюбёнаму гурту.


Але ДУДКІ! Вось і ён! І хоць песня "Стронцый" не выклікае ўжо такога шквалу эмоцый, як у акустычнай версіі, я гэта спісваю на тое, што ў маладосці і трава была зелянейшаю:)

Гурт відавочна вырас і пасталеў, а таму, поспехаў ім і плёну!

Даеш АЛЬБОМ!

Tags: музыка, прыемна